狗耳 dog-ear

我本身好鍾意睇唔用類型既戲: 荷里活大片B片, 法意片, 日本片, 甚至去到泰國都要睇戲, 咁當然唔少得土炮香港片啦. 我由細到大都好捧香港片場, 雖然好細個已經比較到美國片既製作係靚過香港片多多聲, 但係香港片有好多特色架!

香港片拍得夠快, 夠搏, 夠怪, 念頭夠癲; 所以鬼佬聽見七日可以拍一套片好神奇, 柯受良當年晌永安二樓飛車落街嚇死全世界(特別係鬼佬)既特技人, 你又可以見到聊齋裡面男女吊晒丫也黎攪野(鬼佬笑稱為Fuck-Fu), 你仲可以見到發哥人槍合一用條繩黎開槍.

而家香港片已經拍得好靚, 畫面靚, 聲效技術又好多, 王家衛, 無間道係好睇, 但好似同睇西片冇乜分別, 星爺亦變得中國化, 然後國際化, 都好好睇, 不過家下連李健仁都冇埋, 又唔會拎住花洒唱"陷家鏟". 我明白大致上佢地係進步, 只係我鍾意既港片獨特性好似越來越少.

香港片晌世界上都好似越來越受重視, 但除左d 法國佬同Tarantino, 真正了解既有幾多? 咪又係一種潮流, 我睇上黎同d 鬼佬紋身紋中(日)文字冇乜分別!

睇下d 法國佬點分析港片, 好正架:
http://cine-hk.chez.tiscali.fr/Hkcine/SITE/FGUIDE/lexique-cine-HK-de-A-a-Z.htm