狗耳 dog-ear

各位,有冇人有方法/webspace/興趣放d 歌大家分享下呢?

　何濟公；期待你既珍珠果醬。。。。。

　下雨天的星期一，下午一時，我走出公司門口往上望，看見一陣大風後，剎那的滂沱大雨殺到，好耐都無見過咁壯觀既埸面。本能地：哇．．．．．．．．．．．．．．

　晚上十一時，再望上天，天色仍然是灰灰紅紅似的，多怪誕。

完全認同

Grunge唔Grunge都係一個好闊(或者好求其)既分類,淨係所謂Grunge班霸PearlJam,Nirvana,Soundgarden 玩埋d 野都唔q同啦. 商業世界裡面,每一劑新野出現之後都好q 多人會被安排去玩埋一模一樣而得個樣既野,好似PearlJam 之後有 Creed,Madonna之後有BritneySpears,周星馳之後有張衛健,Eason之後有唔好看一樣咁Q肉酸,但又搵到食既人出現啦.

睇黎晌你涅盤之後,我都要搵日珍珠果醬一番先

　這是繼披頭四後，我最迷的搖滾樂隊，Nirvana　

　有人話六、七十年代屬於The Beatles，八十年代係David Bowie時代，九十年代前期，我就認為係Kurt Cobain所帶領既Grunge Music革命影響至深。情況如，近年比大量Hip Hop，R&B所壟斷的情況下，突然爆發了由Linkin Park捲起的Nu Meta旋風，及後更推至顛峰。　

　「Grunge」大約出現在80年代末期的西雅圖、基本上融合了兩種當地主流的音樂風格：第一種是Heavy Metal，而另一種則是Punk Rock，前者喜歡穿著皮褸，留長髮，洗水牛仔褲，後者較愛著故意撕破的衣服，如膝蓋部位或者將衣服內外反穿，更會加上金屬釘環。 愛染髮，代表一種叛逆的象徽，用意是挑戰上一代的保守。Grunge便是取自一小部分的Heavy Metal思想與部分Punk的哲學。即係話， 「Grunge Music」可以被稱為一種融合Post Punk、 Hard Rock與70年代Heavy Metal的另類音樂。 　

　91年初Pearl Jam發行首張專輯《Ten》，但仍未受到各方注意，直到91年9月，被喻為Nirvana曠世鉅作專輯《Nevermind》面世，一舉攻佔各流行榜的前例位置，由地下樂團的地位急升為主流市埸的新寵兒，更藉此專輯把搖滾樂推至另一個境界，《Smells Like Teen Spirit》更是樂迷所傳頌的國歌。　

　於是在Steve Albini、Scott Litt的操刀下，93年9月發表的《In Utero》是張更為離經叛道、更不具商業色彩的震憾鉅作，但毒品在音樂裡面是一種難以剷除的根源，Kurt Cobain曾因服藥過量而要送院急救。94年初Nirvana準備世界巡迴演出前，到達羅馬時，眾人發現Kurt Cobain自殺不遂，便把他送往戒毒所，三天後，他的家人卻報警說Kurt Cobain失蹤，但隔天卻發現Kurt Cobain早已在自己的家中舉槍自殺了。終年二十七歲，死時還著上黑色的Converse One Star。　

　又有人話27歲對玩搖滾的人而言是否為一道難以跨越的門檻，繼Jim Morrison、Jimi Hendrix後，便輪到Kurt Cobain。Grunge好像因Kurt Cobain死後而漸漸沒落，如李小龍死後，所帶領的功夫熱潮和截拳道亦一樣慢慢減退。截拳道因李小龍離去而消失，所謂的截拳道也不過是一個名字，直至現今，也有不少的人標榜著截拳道的名字，我只慨嘆，Grunge是一種音樂，截拳道是一種武術，怎去學，怎去玩，由頭到尾也是由你決定。　

推介專輯：《MTV Unplugged in New York》《Nevermind》　

推介歌曲：Smiles Like Teen Spirit、In Bloom、Come As You Are、About A Girl，Breed，Serve The Servants、Heart-Shaped Box、Rape Me、Polly，All Apologies　　

　西岸幫派饒舌始祖 - N.W.A﹝Niggers With Attitude﹞　

　同事們和不太熟識我的朋友會以為我是Rock友一名，其實我最愛的貫徹始終都只有Hip Hop，擁戴的是West Coast，最迷既都係Tupac，Dr.Dre，Marshall，Snoop Dogg。　　

　1989年Eazy-E領軍的N.W.A.以一首《Fuck The Police》震驚全美而成為當時得令的饒舌組合，呢張制作費只係用左8000蚊既專輯中包含了大量街頭語言，詞鋒尖銳，捲起一埸Hip Hop Field既重大革命。最搞野係美國聯邦調查局致信唱片公司，抗議N.W.A煽動民眾反警察情緒，最後當然係逃唔過被禁播既命運，但直至1989年底，呢張唱片銷量已經高達1億張。真金不怕紅爐火，係好既音樂，你點禁都禁唔住！　

　N.W.A最後亦都係各自單飛既收埸，但係卻造就一個個在現今輩份甚高既Rap界祖師，一手提拔Eminem的Dr.Dre，發表了《Amerikkka's Most Wanted》的Ice Cube，更進一步肯定其在西岸的地位，成立了Ruthless Records唱片公司的Easy-E，更致力去發掘有潛質的新人。

一個你唔能夠將佢歸到到類既怪人,完全不受限於類別範疇,佢深受rock&roll,R&B,Jazz的影響,又鍾意現代樂大師Stravinsky、Edgar Var等. 本身係一個結他佬,又會作曲同編曲;對流行(rock)與高階藝術(classical)的分野感到不耐煩. 生前最後一隻碟The Yellow Shark 就是由德國古典樂團Ensemble Modern演奏佢作品. 佢隊band - the Mothers裡面勁人怪人眾多,比較出名既有Steve Vai, Terry Bozzio, Jean-Luc Ponty... 玩既樂器又古靈精怪,電Saxophone,電提琴,Vibraphone....

出左六十幾隻碟,我細心聽過既就唔係好多,有d好正,有d頂唔順.

推薦:
Over-nite Sensation - 算係比較大路rock野,當然內容古靈精怪啦
Chunga's Revenge - 裡面有Jazz,Blues,Rock 仲要係類型化得好緊要,好抵死
Hot Rats - 早期既一隻Jazz Rock碟, 好硬淨!
Strictly Commercial - 精選碟

　尋晚望上天，無乜雲又好大風、夜晚仲落雨添。

　今日放工，係巴士站等車，D風吹過黎，陣感覺好似秋天、明明就黎炎夏，點解會....？

　好怪，天氣好怪，我有D覺得唔舒服。

　黑人的語譯裡有句：Cash Rules Everything Around Me。簡稱 C.R.E.A.M.

　93年，九個黑人組成既地下音樂團Wu-Tang Clan在東岸平地一聲雷。在當時黎講可以話係一個新勢力，更為東西岸之爭增添一個重要既籌碼。其後各自分化，再演變當今甚有名氣既Rapper，為Method Man、Ol' Dirty Bastard、RZA、 Ghostface Killah、Raekwon。

　單睇《C.R.E.A.M》呢首歌就覺得係猛料，完全表達做黑人對社會既控訴，各人對環境不安煩擾既情緒。最後明白人生大道理就只有係：錢。寫實味甚重。直頭叫做剝光豬任你睇。用歌黎表達想法絕對唔罕見，如果你用外國黎做準則。香港就差好遠LU，搞HipＨop就叫隊野做農夫，耕田咩..........！？WTC好似香港既LMF，集Hardcore，Hip Hop，Funk於一身，好似首《闔家伶》，的確係言之有物，唔係老吹啵！講既野又係我地周圍發生緊既事物，LMF偶然一下神來之筆真係妙絕！可惜又解散左！

　　推介大碟：Enter the Wu-Tang (36 Chambers)

Eric Clapton 被稱為結他之神,在我黎講簡直荒天下之大謬,排隊都未輪到佢,証明商業炒作既力量係幾咁大.

我對早期既Clapton(單飛之前,概括講係70年之前)係冇乜意見,作為一個Bluesman, 一個結他手既表現可以算係出色同幾有格. 但係Solo Career之後只會覺得佢冇乜創意,食老本,更加唔好講80年代之後果種高度商業味.

佢既作曲能力,絕對唔可以叫做高,生涯幾首重要名曲 After Midnight, Crossroad, I Shot the Sheriff 都唔係自己作品. 你可能會話,個個bluesman,結他佬都玩covering啦,有乜咁奇. 但最慘係佢玩得冇里味道,冇創意: 聽完佢狎玩我最鍾意既Little Wing之後,我差d喊左出黎;製作精緻既I Shot the Sheriff同原作竟然可以玩到一模一樣(咁都得!?),但係Marley把聲換左佢係真係悶到釣魚;睇佢演唱會,果d 好q夾硬要玩既solo,我剩係覺得好肉酸,仲肉酸過Danny Summer扮Jazzy! 唔明點解咁多人陪佢癲.

以前同過一個老外傾開結他之神, 佢講左一句係好o岩聽: "He got skillz, he plays guitar well, but his stuff didn't touch me at all."

實在係一個好Q偉大既軟件!!!

　　此片的序曲是East Coast - Mobb Deep《Shook ones pt II》　

　　我差點遺忘了這套電影、低成本高收視之作，我仍記得兩年多前上畫時，身邊的朋友還問我男主角究竟是何方神聖？氣壞了，當然票房更不是一枝獨秀、皆因02年大碟《The Eminem Show》仍未受到坊間等人垂青！呀！應該這樣說，他們還沒有摸清他是誰才較貼切。　

　　04年大碟《Encore》聲勢已比前作遜色、人們卻把這專輯當作至寶般看待，大概是在香港的宣傳渠道多了，難怪Manson也大叫：Marshall的音樂越來越商業化。普羅大眾也受到這種風氣影響，處於被動，很多事情不願主動地去探個究竟。香港是個商業社會，很多資訊也較其他地方來得快去得快、為何思想會這麼落後？要是想知道，便要用時間去發掘。從前對功夫的熱情，像今天對音樂一樣。走一步看得到，走前三步知的更多。站在原地裡往下看，誤以為自己站在最高點，這只會令你永遠也看不到更珍貴的事物。世界上沒有一種可以叫作專業或專家，只能當作你知道的是比較多，還未到達「專」的程度，世界在變，任何時候也在變、清醒點啦！

　　我最愛的還是《The Marshall Mathers LP》《The Slim Shady LP》

　試驗性質唱片，迷幻音樂里程碑　

　仍然是忠於披頭四的創作與概念，將迷幻元素注入舊有的英式搖滾風格、揭開音樂史上頗重要的一頁。就連Brian Wilson聽到Beatles這張專輯之後，精神也完全崩潰....　

　當1966年，Beatles發行了另一張專輯《Revolver》同時，許多樂迷現發現其中已滲透著迷幻等另類元素，但仍保留Beatles舊有的編曲，旋律，吉他等完美效果，盡管有不同聲音和意見，此專輯仍在世界各地熱賣，披頭四熱潮亦更進一步鞏固。與此同時、The Beach Boys亦發表了他們第一張受到LSD啟發的專輯《Pet Sounds》，有幾個樂團也不約而同地因LSD的啟發而投入創作所謂的「Psychedelic Sound」。　

　1966年8月29日Beatles在Candlestick的演唱會之後，就宣布暫停巡回演出，集中精力在錄音室去做音樂創作。周遭卻廣泛的認為樂隊即將解散，1967年，發行了【概念先驅】專輯《Sgt. Pepper's Lonely Hearts Club Band》，這專輯不僅將披頭四的流行和搖滾統治性地位推上高峰，同時成為該隊最出色的迷幻音樂專輯，多種樂器的配搭以及多首歌作重新混音，旋律、編曲、歌詞、器樂等各方面仍舊表現出完美無暇，歌詞中亦流露出嬉皮士的態度，再次代表了戰後年輕一代的文化思想。　

　接觸披頭四簡介：小六時因一曲《Love Me Do》而愛上Beatles，礙於經濟問題，多年來亦渴望擁有所有其唱片。時代進步，亦把我與披頭四之間的距離更進一步地拉近。心目中的披頭四代表了經典，創新，永恆。由英式搖滾到最後的各自單飛，也表現出他們的蛻變，解散並不代表是壞事，也是轉變的一種，給機會去看看他們的獨當一面、思想的進步已在他們行動中窺探出不少了......