Friday, June 16, 2006
# 亞叔講波
亞叔林尚義講埋今年無線得四場既世界盃之後就退休, 聽亞叔講波好多年了, 以前八十年代英國足總盃晌亞視到到後尾去左無記, 實在係"習慣"左佢既講波方式.
近年睇波要俾錢之後, 少左聽到亞叔講波, 而亞叔近年來記憶力都差左, 對答反應又慢左好多, 但風格不變, 依舊硬淨. "俾我隻腳都入啦","朝天腳 蜈蚣彈"," 賣老抽" 始終記憶猶新.
亞叔一向鍾情德國隊穩健沉著, 常以"德國球迷會主席"自居, 經常場中戲言要打俾"碧根巴"教路. 巧合既係, 今屆世界盃德國隊打出一股從未出現於德國隊既全新球風, 好似正好同亞叔將會完結廿多年講波生涯黎一個呼應...
