Wednesday, June 22, 2005
# 兜巴克
近來雖然少出現朋友聚會, 但都得知近年朋友聚腳多左一個訂方---Coffee Shop.
自己一向唔係好鍾意飲咖啡, 對咖啡認識又係好皮毛, 只知道咖啡有好多種, 有濃有滑有苦. 以前香港大路餐廳/茶餐廳都只係有港式咖啡供應, 我記得大約六七年左右, 連鎖店式既咖啡店開始逐一開張.
年青人都覺得好新鮮呀, 坐成日都冇人趕呀, 有好多外國雜誌睇呀, 後來仲有得上網添! 當時覺得都算係一種會好受歡迎既新野啦.
我讀既大學附近開左一間, 我好少去, "果度勁正呀, 好有feel 呀, 好relax 呀!" 我d 同學係咁同我講 (但係佢地已經唔會自己做assignment咁濟架喇喎, 仲唔夠relax!?); "果度聽jazz架, 好舒服呀!" 對唔住, 我就正正係好憎聽果d 所謂既Comtempory Jazz (剩係個名都不倫不類!) 隻隻都好似搔不著癢處, 到喉唔到肺! 又有d 人坐晌度好似好放鬆, 其實就好緊張, 緊張個Gothic Look 既頭係咪亂左; 緊張對面條女有冇望過黎呀; 緊張遠處同我撞衫果條肥婆會唔會都係黎坐;
就係因為呢d 人, 令我對去呢d 鋪頭開始好反感, 我實在唔明佢地究竟扮咩呢? 後來香港亦大舉湧現呢d 人/事, 最白痴就係原來家下賣樓都會關咖啡事!!! 咪咁扮野啦~ (新鴻基, 你地d 扮野又冇料既行銷宣傳手法, 我遲早一日會插爆你)
