Monday, December 19, 2005
# down down WTO!
香港反世貿示威, 韓國農民成為主角. 由佢地既策劃, 部署以至到飯盒有乜飯, 飲邊隻孖蒸, 媒體都全面報導. 佢地日日唔同既示威方式, 由三步一拜去到衝擊防線, 完全令到我地呢班上下街都俾人話會亂既香港人大開眼界. 佢地用盡所有方法, 成功令到香港人, 世界上既媒體會去了解佢地背後既訊息, 所以韓國農民今次表現係絕對成功.
反觀另一群主力示威人仕 -- 南亞裔人仕則選擇較為平靜既方式. 據佢地自己解釋, 係怕太大刺激反而會令人忽略左佢地本身既訊息. 但係晌今次馬後炮黎睇, 可能選擇錯誤方式了.
但係其實仲有一d 可能係世貿會議最大受害者 -- 非洲同中國農民係並未能夠參與今次活動, 結果就係... 完全冇主流媒體報導同探討過佢地面對既問題....
