<$BlogRSDURL$>

Monday, January 08, 2007

# 迪士尼老虎襲擊遊客 
佛州迪士尼卡通人物打男童遭停職 (星島) 01月 08日 星期一 10:40AM

美國佛羅里達州的迪士尼樂園(相關新聞 - 網站),有扮演卡通人物的演員,被指在拍攝時打一名男童的臉部. 聲稱被打男童的家人,拍下扮演卡通人物「跳跳虎」的演員,在合照時突然用手拍打男童臉部。迪士尼表示,會調查事件,已經將涉嫌打人的職員停職。男童就表示,並無挑釁該名演員。
source from 星島網站


我打算下次去搵花木蘭隻揪, 咁又多多都有得賠了.

video : http://www.youtube.com/watch?v=btNiLDu6D8A

Friday, January 05, 2007

# 忽見門外人咬狗 
前日英國有一件慘案, 一個小妹妹俾自己阿叔隻鬥牛"梗"咬死.
我記得多年前香港都發生鬥牛"梗"咬人事件.

受害者, 其家屬當然可憐, 但其實隻狗都算係受害者之一.
記得電視上面見到幾個捉狗隊索住隻狗俾記者影相時, 隻狗既眼神係幾咁驚, 當然佢都係要賠上生命.

有一d 狗既品種係屬於惡狗, 係性格上好兇悍, 情緒上亦係比較敏感, 好明顯係唔適合晌家庭養, 點解仲要養呢d 狗呢?

Thursday, January 04, 2007

# 浪費生活 la dolce spreco 
我有:

兩對壞左一邊既耳筒
一部時得時唔得既DVD 機
兩部撕哩沙啦聲既手機
一部跳跳下既LCD mon
一個個蓋有d 鬆既電飯煲
一部神神地, OUTOUT地但好好聲既mp3機
一個燒左牛, 但竟然配唔返隻牛既switch box
數個閱讀不良的CDrom
一部讀唔到CD 既迷你hifi
一部卷片有問題既Rollei 傻瓜機

遇到以上問題, 我自己又唔識修理, 拎去整永遠好似買新咁貴.
所以我會買個新既, 令舊既就變成雞肋.

所謂科技進步, 越來越平咁話~
但係點解又咁Q易壞呀!

Wednesday, January 03, 2007

# 2007 喇 
睇返2006, 我睇到 :

經濟大大大復甦, 但家庭暴力越來越多
富者越富, 窮人就越見鬼
人口老化, 但唔俾人地黎生仔
日日都天灰灰, 但係一街都係唔滿既巴士
雙普選, 當你冇到
網上媒體地上化/師奶化
有人陰差陽錯決定偷襲小圈子, 有人建立傳媒王國又表演父子情仇.
....
...
..
.

Thursday, September 07, 2006

# 旁白﹕五四的「我 - 何福仁 (成報) 
文學作品?的「我」,並不等同作者的真我,那是敘述者,這是常識。但五四名家發表的日記、書信,往往也近乎敘述者,不是單純地寫給自己或者寫給某個特定個體而已,那時候他們既無影印更無電腦貯存之便,卻仔細抒述,大多仍用毛筆,並不以反覆抄寫為苦,顯見在執筆之時,就有了公開發表的念頭,心存其他讀者。結果是日記?把自我對象化,書信?則把收信的個體?群眾化,成為眾數,至少就像某一個類型。我,可能是在舞台上的「我」﹔你,卻肯定是「你們」。始於具象,終究成為抽象。

 以傅雷的家書為例,他是嚴父,也是自覺地在演一個嚴父的角色。演自己和本來的自己,是有分別的﹔傅聰自是親子,可是其他讀者也都成為兒子,至少是義子了。他的信,是在對兒子,所有的兒子,耳提面命,諄諄教誨。傅雷的成就,不必再泰山上堆土﹔但傅雷這個父親的角色,我作為讀者,不,兒子之一,獲益之餘,可有時又不免掩卷感嘆,只覺這個父親苛護有加,餘裕欠足。我們長期受父權思維的主宰,到自己成為家長,投入那個程式化的形象,一面是自己見賢思齊(歷代那些賢父的典範),另一面又望子成龍,於是對子女是否管得太死呢﹖這是時代差異使然嗎﹖然則後來的新生代,這種感覺恐怕只會更強烈。

Friday, September 01, 2006

# 狗耳 dog-ear 
狗耳 dog-ear
摘自成報9月1 日副刊

七情上面﹕懷人

陳錦樂


 最後一次見「何佬」,是六年前的一個早上。我在母校的長廊一步一步走近他,他回過頭來看見我,彼此臉上的反應卻吐露了無情的事實——大家都老了。

 上星期和舊同學午膳,從同學口中得知「何佬」今個學期之後便退休了,校方竟然沒有挽留,實情是超重的工作令他本人也不想留。聽說他最後一天上課,不同年代被他教過的舊生紛紛回校見證這歷史時刻,教員室門外擠得水洩不通,場面感人,大家都想再一見這位最受尊敬的老師的風采。

 之前很多次經過母校,都想進去跟他打一個招呼,唯諾間一次又一次錯過了。如今得悉他要退休,心沉了下來,想到今後能再見到他的機會,可能不多了。晚上回家,看到書架上三冊《數學和數學家的故事》,想起就是中一的時候他送給我的。那年他是我的班主任,開學那天所有高年班的師兄都跟我說同一句話——你有福了。

 中學五年?有三年他都是我的數學老師,真是走運。沒有人可以像他那樣把枯燥的數學說得如此津津有味,娓娓道來。他真心關懷每一個學生,長長的一天過後,當其他老師早已離去,他還留下來替成績欠佳的同學補習。人家一星期工作五天,他周六周日照常回校工作,其餘時間就是在家?照顧年邁的雙親。他服人的不單是他的學養,是徹底委身教育的精神,是崇高的人格。所有最頑劣的學生,在他面前都自動自覺乖乖安靜下來。

 如今他離開四十年的工作崗位,雙親也已經過世。睹物思人,看?書架上那三本小書,總想到不好動不交際的他一個人靜靜的一個瘦長的身影。

 可以再見到他嗎﹖讓我細細的說一聲感激。「何佬」,願你往後的日子,滿心歡喜走上人生的另一段。送上所有的祝福。

Wednesday, August 16, 2006

# 小丑 



今天逛街散步 隱隱我感覺到
街中有些哄動 急急轉身探討
原來 原來人在看那小丑到步

街坊笑他太笨 將心送給女人
應知這種態度 今天已經老土
我方覺那小丑原是我 我閃縮上路

Woo Hey Ho 莫明憤怒
Woo Hey Ho 未明怎做

你既不愛小丑 怎麼昨天
偏要裝作跟他要好

當初你經我路
偷偷我醉倒 心窩我急送贈
可惜你只當草 你把我變小丑
然後你再瀟灑上路

Woo Hey Ho 莫明憤怒
Woo Hey Ho 未明怎做

各位請看小丑 傷心跌倒
請拍掌再高聲叫好


好Q好聽!!

Friday, August 11, 2006

# 新世界十九廣告 
最近新世界個乜鬼實在.真意廣告系列出街.
其中有一個講個細路著到Forrest Gump咁果個, 我睇左好多次都唔Q知佢想點! 懶深情, 好似好有意思咁, 有冇人可以話我知個廣告做乜?

Tuesday, August 01, 2006

# 蒼天航路 
Photobucket - Video and Image Hosting

呢本漫畫由1994年追到今日終於完左. 想當年呢本有新角度, 破格畫風既三國漫畫大開小弟眼界. 呢本"日漫" 係由韓國人, 研究漢學既李學仁創作, 加上畫風"大開大合"既日本漫畫家王欣太, 描寫出武人戰鬥時氣勢迫人, 又表達到當時文人, 詩人, 思想家等漫遊天際, 創意無限既想像力, 實在非常精彩.

蒼天航路以我所知可以算係漫畫界中比較早會用另一個角度講三國, 以曹操作為主角, 亦以曹操死作完結. 其中有些利用歷史上空白, 加上想像的情節十分精彩. 當然亦有每個研究三國既人都會做既就係幫一d 人物翻案, 有不少名不經傳, 或者被小說故事歪曲的人物, 都會花心思去作出描寫.

雖然香港人, 香港漫畫迷都好鍾意三國漫畫, (當時最流行既係李志清三國志, 龍狼傳, 到而家既火鳳燎原) 但係蒼天航路晌香港從未算係好流行.(香港代理文化傳信出到16期直頭斷埋尾, 我之後係買台版) 我估計係故事內容太過直接/真實咁表達一d 色情同血腥場面, 同埋有不少漫遊天際既哲理研究. 頭幾期有大量色情場面, 為著表現曹操好色成性, 同時亦增加銷量, (日本漫畫慣用手法) 但晌香港就嚇怕左一班比較正經既讀者.

其實相同題材, 會以近年既香港陳某既火鳳燎原最受歡迎. 比較兩者, 我認為火鳳算係一本高質素漫畫, 但我始終選擇蒼天. 主要係我實在對火鳳大量原創人物同多次出現既 "計中計上計" 模式提唔起興趣, 未能夠投入, 有時有d 算死草既感覺; 次要既係畫風比較死板, 人物角色往往要靠大量服裝, 飾物去分別, 而我又唔係cosplayer, 實在未能欣賞... 題外話: 我覺得陳某早期既不是人相對出色一d, 成熟畫風加三國歷史懸案, 好精彩.

總結全套漫畫, 我最欣賞係佢重寫呂伯奢一段: 商人呂伯奢欣賞曹操, 願意用一切財力支持曹操起兵, 甚至放棄自己名字以成就曹操揚名(雖然係臭名遠播); 而最鍾意佢畫既角色就係孫權: 比起叔父輩既曹劉二人, 表現出年輕活力, 甚至有少少野性既霸主.

而家總算完左, 搵日由頭翻睇一次先.

Tuesday, July 18, 2006

# 
今日病左, 但係因為要趕工, 唯有返工
成日晏晝聽住Richard Billyham既淫歌黎提神
時而迷糊, 時而偷笑

幾矛盾